கன்னி ராசியில் பிறந்தவர்களின் குணாதிசயங்கள்

கன்னி :

           கன்னி ராசியை ஜென்ம ராசியாகக்கொண்டு பிறந்தவர்கள் நீதி, நேர்மை, உண்மை என வாழக்கூடியவர்கள். கடவுள் பக்தி மிகுந்தவர்கள். காதல் வயப்படக்கூடியவர்கள். இளம் வயதில் வறுமையால் வாடினாலும் பிற்பாதி வயதில் செல்வ செழிப்புடன் வாழக்கூடியவர்கள். தாயின் மீது அளவுகடந்த பாசம் கொண்டவர்கள்.

             சேவை மனப்பான்மை மிகுந்து தர்ம குணத்துடன் திகழ்வார்கள். தங்களால் பயனடைந்தவர்கள் ஏராளம். அன்புடன் பேசுவது, பெரியோர்களிடத்தில் மரியாதை நண்பர்களுக்காக எதையும் செய்யக்கூடிய குணம் கொண்டவர்கள். சில நேரங்களில் கூட்டங்களில் பேசுவதற்கு தயக்கமும் பதட்டமும் காணப்படும்.

           கன்னி ராசிக்கு அதிபதியாக புதன் வருவதால் நன்கு படித்தவர்களாகவும் நகைச்சுவை உணர்வு நிறைந்தவர்களாகவும் இருப்பர். இவர்கள் பிறரிடம் பணி செய்ய விரும்பாது சொந்தமாக தொழில் செய்து முன்னுக்கு வருபவர்கள்.

           உத்திரம் 2, 3,4, ஆம் பாதங்கள், ஹஸ்தம், சித்திரை ஆகிய நட்சத்திரங்களில் பிறந்தவர்கள் கன்னி ராசிக்காரர்கள் ஆவர்.